لما الشتا دق البيبان

لما الشتااا دق البيبان
غصب عنااا...
إفتكرنااا
كل ليلة برد قاسية
كل دمعة حزن عاصية
كل إللي ماتوا
وكل إللي فاتوا
كل إللي باعناااا
وكل.. إللي خان

لما الشتااا دق البيبان

ويدق ع القلب إعصار الحنين
يرجع الماضي ونوات السنين
يجيب إللي راح
ويصحي الجراح
وأصوات الأنين

تيجي تآنس وحدته
ويغني معاها غنوته
وتالتهم...
الناى الحزين

وتصبح الدنيا السعادي
أبيض.. و.. إسود
و.. رمااادي

وتختفي
جميع الألوان
وينطفي
قمر الزمان

لما الشتااا...
دق البيبان

صفاء الطويل