حذر خالد أبو بكر، مخاطر الوصول لمرحلة الحظر الكلى، وزيادة إصابات كورونا، مشددًا على ضرورة أن تشهد الفترة المقبلة مزيد من تطبيق القانون بقوة وحزم.

وقال خالد أبو بكر، خلال برنامجه "كل يوم" المذاع على شاشة "ON"،: "نحاول الوصول لمعادلة منضبطة مع تقليل الحركة.. هتقولى أراهن على وعى الناس؟.. الإعلاميين ماوتوا في الاستديوهات وبقالهم شهر كامل بينحروا فى أصواتهم ولسه الناس بتنزل.. ناقص نرقص .. ناس بتنحر في صوتها ولسه الناس بتنزل.. وأنا مش بقولك متنزلش شغلك.. أنا بقولك متنزلش تروح كورنيش إسكندرية .. متطلعش رحلات.. كفاية الأسواق.. ياجماعة اتقوا الله في أنفسكم وأولادكم.. المسألة هنا مسألة وعى".

وذكر أن الوعى لم يكن بالنجاح المطلوب طوال فترة ما قبل الألف، مضيفًا: "لم ننجح في فكرة الوعى والرهان على الناس.. لذا لا بد من مزيد من الإلزام والحزم، وليس بالاختيار.. إحنا عارفين بعض وعارفين ناسنا.. الهدف الآن البقاء على قيد الحياة.. والناس الى كانت بتقول الحكومة بتخفى الأعداد.. اتفضل ياعم أشبع بيانات أهو".

وواصل: " هناك تطورات.. واللى بيقول لك الأزمة دى أسبوع أو أسبوعين أو ثلاثة.. الموضوع يبدوا عالميًا إنه مطول حبتين، كى تعود الحياة لما قبل 2020،".