بيقولوا البيوت بسكانها! لاء البيوت بأساسها..

في كل قلب وكل حياه بيت فيه ساكن واحد هو الأساس لو غاب يقع البيت ، وفيه ساكن كل السكان سانده عليه غيابه ميساويش غيابهم ،لكن غيابه يهد البيت مهما حاولو يسندوا.

.ليه بنفكر ان احنا لو قفلنا علي وجعنا هيروح ؟

-ليه لازم نرسم القوه في اللحظه اللي عايزين نصرخ فيها؟

-ليه بنخاف حد يعرف إن احنا موجوعين؟

-وليه أكتر حد موجوع هو اللي لازم يقدم الدوا؟

-ليه بنفتكر ان احنا لما نقفل علي وجعنا هيروح؟

-وليه بنتخيل ان حنيتنا علي غيرنا متشافه؟ واحنا حارمين نفسنا من الحنيه ومحرمينها علي روحنا.

-ليه بنشوف الحقيقه ونقفل عليها الباب ونعمل ان احنا لسه بندور عليها؟

-في بعد ارحم من قرب ..في بعد بنحافظ بيه علي الحب ..في كذبه لازم نصدقها زي ما فيه صدق لازم نكذبه.

-لما الغايب بيرجع بنتولد من جديد ونشم هوا جديد ..حتي الهوا بيبقالوا لون وطعم.

-حتي الحاجات اللي لمسناها وعشناها وشوفناها الف مره بنشوفها كأنها اول مره .

حتي الكلمه اللي قولناها وسمعناها بنكون عايزين نتأكد كل دقيقه انها هتتقال تاني وتتعاش تاني وعمرها ما هتروح تاني .