نشرت النائبة هالة ابو السعد نائب رئيس لجنة المشروعات الصغيرة بمجلس النواب علي صحفتها علي الفيسبولك تصريحا قالت فيه مش كل البشر أطباء ولا كلهم صيادلة ولا كلهم مهندسين
أضافت هاله مش كل طبيب أو مهندس او صيدلي حقق الطموح والمستهدف من دراسته واجتهاده
وطبعا فيه ناس تعبت واجتهدت وتستحق مكانتها..لكن كلنا بنمر بمراحل واختبارات واختيارات على اساسها بنكمل او نعييد تقييم الوضع وتغيير الاتجاه

اوضحت البرلمانية ان هذا التفسير باختصار ينسف فكرة كليات القمة اللى الأهالى بتضغط بيها نفسيا على ابنائها
لان ببساطة مش كل من دخل كليات تانيه غير دول يتحط فى اطار الفشل !! لاء طبعا

بلاش ضغط على أبنائنا..وننتظر توفيق ربنا سبحانه وتعالى وقدر امكانياتهم
الأهم سلامة نفسيتهم وصحتهم..حتى لو بنضغط نفسنا كأولياء امور وبنتمنى الافضل ليهم وخطابى ليكم ان مش الافضل فقط هو مايسمى ب كليات القمة

وعتابي لأولياء الأمور ليه المناظر اللى شوفناها من تكدس امام اللجان بالشكل ده فين الوعى وحفاظكم على صحة ابنائكم؟

بدعى ربنا أبنائنا يتوفقوا ان شاء الله وكمان نعدى المرحلة دى كلنا باذن الله سالمين ٱمنين