علقت الفنانة لقاء الخميسي على خروج زوجها محمد عبد المنصف، الشهير بأوسة، حارس مرمى وادي دجلة، من تشكيل منتخب مصر.

حيث كتبت الخميسي عبر حسابها الرسمي منشورا قائلة: "انا عمري ماتدخلت في موضوع الكورة واتابع من بعید وباشجع اوسه لاني مؤمنه بيه من اول لحظة جول موهوب وتحالفت ظروف كتير عليه وكان بيلعب في ضغط نفسي كبير لا يتحمله اي انسان ومع ذلك قاوم وكمل وبقى من افضل واقوى اجوال مصر."

وأضافت الفنانة "واللي اعرفه ان الاجوال مالهمش علاقه بالعمر طالما في فورمة كويسه ومتألق اوسه كان في المنتخب وكان دائما راجل وكابتن الجوهري رحمه الله كان بيحب اوسه وبیدعمه لاول مره هاقول رأيي في اختيارات المنتخب ومالهاش علاقه بالاعبين المختارين."

وتابعت "عدم اختیار اوسه في المنتخب يدل وبشكل واضح ان التقييم والاختيار غير عادل وليس له اي علاقة باللاعب واجتهاده وادائه وانما في معايير تانية غير مفهومه للاختيارات !!! ودا الي يخليني اسأل نفسي : امتى مش هايبقى في حسابات انسانيه في الشغل ، امتى هايبقى الفيصل هو الاداء ومن يستحق .. امتى هانخرج عواطفنا بره منظومة العمل في كل مجالات مصر مش بس الكوره."

واختتمت كلامها "اللي حصل دا ظلم كبير احنا محتاجين نتغير وندي كل ذي حقٍ حقه، اوسه من غير المنتخب برده مكمل في النجاح بس احساس وجوده في " منتخب مصر " ليه رونق وطعم تاني وشرف لكل لاعب واوسه يستحق."