حذر الإعلامي أحمد موسى، من محاولة تكرار النغمة التي جرى تكرارها قبل 2011، وهي محاولة ترويج الشائعات ضد الوطن، والدعوة للسماح بترشح الإخوان للانتخابات بحجة أنهم فصيل وطني.
وتابع خلال تقديم برنامج «على مسئوليتي»، المذاع على قناة صدى البلد، «على كل مواطن أن يكون مطمئنا على بلده ولا يهمه ما يقال من بعض أصحاب المصالح ومحدش يخوفك على بلدك، ويجب أن يكون لديك ثقة في بلدك كما كانت بل وتزيد لبكرة».
وأردف الإعلامي أحمد موسى، أن نفس الأشخاص الذين وضعوا يدهم في أيادي الإخوان وكانوا ضيوفهم قبل وبعد 2011، بيقولوا البلد دي مفيهاش حاجة كويسة.
وأكد أن نفس الأشخاص الذين يعملون على تسويد عيشة الناس حاليا، كرروا نفس الفعل قبل 2011 وظلوا داعمين للإخوان ووصفوهم بالفصيل الوطني.
وشدد على أنه تم التحذير من أصوات معينة مصلحتهم ليست مصر، وإنما تقاضي أموال بغض النظر عن مصلحة الوطن، معلقا ، مفيش واحد يجرؤ من اللي بتكلم عليهم يطلع يقول عكس اللي بقوله.
وأردف الإعلامي أحمد موسى: أنا واحد من الناس شخصيا عارف مين هم بتوع المصالح، وده بيعملي مشاكل كتير ولكن هذا لا يعنيني.
واستطرد: الرئيس السيسي يعرف الناس كلهم جيدا نفر نفر سواء كانوا سياسيين أو معارضين أو غير معارضين أو يعملون في مجال الإعلام، وقعد معاهم ويعرف أكتر من اللي إحنا بنعرفه.
واستطرد الإعلامي أحمد موسى: قسما بالله في ناس عاوزة تدفع البلد للمجهول زي ما كانوا عاوزين في 2011، لولا جيشنا العظيم الذي أنقذ مصر في 2011 وأنقذها مرة أخرى من حكم الإخوان ولا زال الإنقاذ.
وواصل: طيب مفيش حاجة اتعملت شايفينها، ولا مشروع تم تنفيذه ولا 4 مليون فدان اتعملوا طيب ودول إضافة ولا حاجة بسيطة، ولولا دول كنا عملنا أيه دلوقتي، طيب مفيش مرتبات زادت من 2014.
وأردف: الناس اللي انتقدوا كل حاجة في البلد، طالعين النهارده يقولك نعمل أيه، مضيفا «المواطن لا يحتاج أبدا حد يقوله هنا ولا هنا، وعنده كل الوعي، ويقدر يشوف ده أيه وده أيه».