قال الداعية الإسلامي أسامة قابيل، من علماء الأزهر الشريف، إن هناك أخلاقيات فى العمل بين جميع الزملاء، لافتا إلى أن العلاقة بين زملاء وزميلات العمل قائمة على طاعة الله ومراقبة الله لنا فى كل تصرفاتنا.

وتابع العالم الأزهرى، خلال حواره مع الإعلامية إيمان رياض، ببرنامج "من القلب للقلب"، المذاع على فضائية "mbc masr2"، اليوم الاثنين: "يجوز عمل زميل وزميلة داخل مكتب لوحدهما ويكون مفتوحا، أمام الناس كلها ويدخل ويخرج عليه زملاء، حتى لا يكون إطار خلوة شرعية وباب لدخول الشيطان، كل بنت لازم تعرف إن زميلها فى الشغل ده أجنبى عنها لازم تحترمى إطار الأسرة سواء والدين أو زوج، لازم احترام الخصوصية وفق القواعد العائلية يعنى فى مواعيد يكلمها فيه لو فى أمر هام للشغل، يعنى لو هى متزوجة وزميلها بيكلمها الساعة ١١ أو ١٢ بالليل عشان أمر مهم فى الشغل ممكن تحصل مشكلة، طيب ما يبعت إيميل أو واتساب أو اى وسيلة بدون كلام".

واستكمل: "لو انتى أو انت داخل وظيفة فى الشغل لازم الأول تسمع وتتفرج وبعدين اتكلم، شوف الشغل ماش ازاى والناس بتنجح الشغل ازاى، وازاى فى تعاون جماعى".