بوابة عارف ٢٤ تفتح ملف الزيت المستعمل وماذا يفعلون به بعد شرائه من اجل ان يعاد بيعه من جديد ؟

التجار بيشتروا الزيت المستعمل بسعر يصل الي ٣٥جنية وبيعاد بيعة بـ ٧٠ جنيه للمطاعم وبـ ١٠٠ جنيه للمستهلك العادي تاني بعد إعادة التدوير
طب إعادة التدوير دي بتتم ازاي

تعالوا نعرف تفاصيل تدوير الزيت المستعمل
‏كل 20 كيلو زيت بيتعملهم خلطه بـ كيلو نشأ علي كيلو مياه بارده وبيدوبو النشا في المياه كويس جداً ثم تضاف إلي الزيت المستعمل ويترفع علي نار هاديه جداً ... مهما كان الزيت أسود أو في رواسب أو زيت لحوم أو زيت سمك أو زيت مقلي فيه هتلاقي النشا سحبت كل الكلام ده
‏وتكتلت معاك فى قعر الحله ... بيتم تصفية الزيت بمصفاه وبيرجع لونه أصفر صافي أحسن مما كان عليه.. ويرجع تاني لحضرتك علي صورة زيت نقي فاتح 100% وعمرك ما هتقدر تعرف أنه مستعمل قبل كده غير بالتحليل
هل هذة الطريقه دي صحيه ؟
لو حكمت عقلك وبحثت هتعرف أنه مضر جداً جداً جداً .... الكيلو ولا الـ 2 كيلو زيت اللي حضرتك بتبيعهم في الشهر بيكونو سبب في أذي لناس كتير تانية ....حضرتك ممكن تكون بتشتري زيت نضيف جودتة عاليا .... لكن في ناس غلابه متقدرش علي سعر .... ‏الأنواع دي وبتشتري من الزيت السايب اللي كنا لسه بنحكي عليه
وعلي فكرة أغلب مطاعم الفول والطعميه والمطاعم عموما بتستخدم زيت مجهول معبأ في جراكن غير امانة صفراء أو سوداء غير صالحة لتعبئه الزيوت بها لرخص سعرها واللي هو طبعاً معمول ليه إعادة التدوير من جديد