وجهت الفنانة شيرين عبدالوهاب رسالة إلى النجمة هيفاء وهبي، بعد دعم الأخيرة لها قائلة: "مبروك علينا رجوعك ولفنك الجميل"، وهنأتها بطرح أحدث أعمالها الغنائية عبر حسابها الرسمي بموقع "إكس".

ونشرت شيرين عبدالوهاب صورة الفنانة هيفاء وهبي عبر حسابها الرسمي بموقع "إكس"، وقالت: "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن".

وتابعت: "كانت بتكلمني يوميًا عند الدكتور وكانت عاوزة تاخدني أقعد عندها وتخرجني و مودي يبقى حلو وتدخلني مكان يظبطولي الفيتامينات اللي في جسمي ويخسسوني".

وأضافت عبدالوهاب: "هيفاء أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنضف وأكرم الناس اللي شفتها في الوسط الفني هيفاء بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده".

واختتمت رسالتها قائلة: "الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستني اني ليا اخت فعلًا شكرًا يا هيفاء يا حبيبتي، وياريت ياريت في مصر لو في مشاكل انا بناشد اي حد إن الست دي طيبة جدًا متستاهلش إلا كل خير".

هيفاء وهبي تهنئ شيرين عبدالوهاب

هنأت المطربة هيفاء وهبي عبر حسابها الرسمي بموقع "إنستجرام" المطربة شيرين عبدالوهاب، وقالت: "ألف مبروك حبيبي اللي نور مكانه الصح، والفراغ اللي محدش يعرف يملاه"، وارفقت تهنئتها بأسماء الأغنيات الثلاث التي طرحتها شيرين "هنحتفل" و "اللي يقابل حبيبي" و"بتمنى أنساك".