أكد أمير مرتضى المشرف العام على الكرة بنادي الزمالك، أن إدارة نادته ترفض رحيل محمود علاء مدافع الفريق خلال شهر يناير المقبل.

وقال أمير مرتضى في تصريحات تليفزيونية: "عشان نقفل الموضوع ده، ودي بقت حاجة سلبية موجودة، والناس متخيلة إن النادي مجبر على تعديل عقد اللاعب كل سنة أو لو جاله عرض النادي مضطر لتعديل عقده".

وتابع: "إحنا متعاقدين مع لاعب لمدة 5 مواسم أو 4 أو موسم واحد، بنكون عارفين احتياجتنا منه إيه، واللاعب بيفضل على قوة النادي وتحت أمر النادي حتى نهاية عقده، ولما النادي بيحس في وقت من الأوقات من مبدأ العدالة إن هناك لاعب قيمته المادية يجب تعديلها، نقوم بتعديل عقده".

واختتم: "محمود علاء جاء الزمالك وهو نجم، لكن مثلًا محمد عبدالغني، تم التعاقد معه من نادي درجة ثانية، لما يشارك ويكون أساسي عقده لا يتناسب مع باقي زملائه، أو مع أقل فئة بالفريق، ده عنده الأولوية، ورغم إن عقده ما زال فيه 4 مواسم".