حصل (آبي احمد علي) رئيس وزراء إثيوبيا ) .علي جائزه نوبل للسلام . كيف عبر من القارة السمراء الي منصة نوبل؟

1- أطلق سراح المعتقلين السياسيين فى اثيوبيا..وعمل مصالحة شامله..واستقبل في مكتبه المعارضين اللى كانوا منفيين ومحكوم عليهم بالإعدام...وفتح آفاق الحياة السياسية والحقوق والحريات..وعمل لجنة لتعديل الدستور علشان يتوافق مع أعلى معايير الديموقراطية..(إصلاح سياسي)
.
2- صالح المسلمين على المسيحيين..ونال جوايز من قيادات الدينين بالإضافة لجوايز دولية رفيعة لدوره التاريخي في الوحدة الوطنية وارساء السلام الداخلي في بلده..(سلام مجتمعي)
.
3- أنهى حالة الطوارىء في البلاد.(إصلاح سياسي)

4- عمل جولة في بلاد العالم للإفراج عن المعتقلين الأثيوبيين فى الخارج..
.
5- اثيوبيا مالهاش منافذ بحرية..لأنها مش بتطل على بحار..فراح اشترى ملكية جزئية لموانى بورسودان فى السودان..وميناء جيبوتى..وميناء صوماليلاند..وميناء لوما فى كينيا..ووقع مع الأخيرة مشاركة فى اتفاقية اسمها لابسيت..عبارة عن ممر تجاري لشرق افريقيا..(مصالح مشتركة مع الجيران)
.
6- تصالح مع اريتريا..وانهى الصراع الحدودي...وكمان اتفق معاهم يبقى يستخدم موانيهم...
.
7- بما انه بقى له دلوقتى منافذ بحرية بالشراكات فى العديد من المواني فى شرق افريقيا...وقع اتفاق مع فرنسا..بموجبه فرنسا هاتبني لاثيوبيا اسطول بحرى وتدربه وتشترك معاه فى حماية أمن البلاد..وبالتالى اللى هايحارب اثيوبيا هايبقى بيحارب الأسطول الفرنسي بالتبعية...
.
8- عمل تدريبات مشتركة مع الجيش الأمريكي في يوليو اللى فات...
.
9- جدد اتفاقات الدفاع المشترك مع الهند...
.
10- جلب استثمارات أجنبية مباشرة..هي الأعلى فى منطقة شرق افريقيا كلها...
.
11- أغرى المصانع الصينية هناك انهم ينقلوا فى اثيوبيا بدل بنجلاديش بعد حدوث أزمة في صناعات النسيج بها
.
12-أقنع تركيا انها تستثمر 2 ونص مليار دولار عنده..
.
13- أقنع دول العالم...خصوصا الصين ودول الخليج انها تشترى وتأجر الأراضى الزراعية...خصوصا في المناطق اللى هاتستفيد من بحيرة سد النهضة...
14- أغرى البنوك الصينية تسلفه جزء من تكاليف سد النهضة...فالصين بقت متحمسة لسد النهضة آكتر منه...
.
15- خلى الصين تستثمر فى صناعات اليكترونيات وكهربا..وكتير منها هايعتمد على سد النهضة...
.
16- الخطوط الجوية الاثيوبية بقت في عهده الأولى افريقيا بلا منافس..وحققت ربح صافى يعادل 6 مليار
.
17- باقي جيرانه كسبهم... فى جنوب السودان؛ نشر السلام وصالح الرئيس على قائد المتمردين..وفى شمال السودان كان له دور حيوي قوي جدا في الثورة السودانية ووفق بين المجلس العسكرى والثوار لحد ما وصلوا للإتفاق الحالي والطرفين اعترفوا له فى بيانات رسمية بالفضل فى الوصول لهذا الوضع.